Joriy yilning 2-oktabr kuni Milliy statistika qoʻmitasining Kadrlar malakasini oshirish va statistik tadqiqotlar institutida Aholi va qishloq xoʻjaligini roʻyxatga olish savolnomalarini toʻldirish boʻyicha oʻquv-seminar tashkil etildi.
Unda Milliy statistika qoʻmitasi markaziy apparati, hududiy boshqarmalari va tuman-shahar statistika boʻlimlaridagi roʻyxatga olish jarayonlariga masʼul xodimlar ishtirok etdi.
Seminarda savolnomalarni bandma-band xatosiz toʻldirish, registrator sifatida aholi va qishloq xoʻjaligini roʻyxatdan oʻtkazish hamda roʻyxatga olish jarayonida qoʻllaniladigan boshqa amaliy jihatlar boʻyicha batafsil maʼlumot berildi.
Bu jarayon roʻyxatga olish ishlarini samarali tashkil etish hamda xodimlarning malakasini oshirishga yordam beradi.