2024-yilning 25-aprel kuni Oʻzbekiston Respublikasi Prezidenti huzuridagi Statistika agentligida Yevropa ta’lim jamg‘armasi ekspertlari bilan uchrashuv oʻtkazildi.
Tadbirda Oʻzbekiston Respublikasi Prezidenti huzuridagi Statistika agentligi direktori o‘rinbosari Ziyayev Zoxidjon Muratovich boshchiligida markaziy apparat xodimlari hamda Yevropa ta’lim jamg‘armasi ekspertlari – Franca Crestani, Eva Jansova hamda amaliyotchi Maftuna Usmanova ishtirok etishdi.
Uchrashuv Yevropa ta’lim jamg‘armasi tomonidan amalga oshirilayotgan "Markaziy Osiyodagi yoshlar uchun muloqot va harakat" loyihasi doirasida bo‘lib o‘tdi.
Yevropa Ittifoqi tashabbusi bilan yo‘lga qo‘yilgan bu loyihaning asosiy maqsadi Yevropa standartlari asosida zamonaviy mehnat bozori talablaridan kelib chiqib mutaxassislarni aniqlash va malakasini baholashdan iborat.
Uchrashuv davomida loyihaning 2024–2027-yillarga mo‘ljallangan chora- tadbirlar rejasi hamda statistika sohasida hamkorlik yo‘nalishlari muhokama qilindi.
