Welcome to navstat   Click to listen highlighted text! Welcome to navstat Powered By GSpeech

Портал

 

     Yangiliklarimizga obuna    bo'ling


Prokuratura organlari xodimlari tomonidan sayyor qabullar tashkil etish orqali aholi bilan bevosita muloqot qilish, ayniqsa, yoshlarni qiynab kelayotgan muammolarni aniqlab, joyida bartaraf etish yuzasidan amaliy tadbirlar o'tkazib kelinmoqda.

Jumladan, Navoiy viloyat prokurori Baxtiyor Ahmedov tomonidan Uchquduq tumanidagi "Yoshlar markazi"da o'tkazilgan navbatdagi qabul ham bu boradagi ishlarning amaliy davomi bo'ldi.

Dastlab yoshlar bilan ishlashning yangicha tizimini joriy etish buyicha tumanda tashkil etilgan shtab faoliyati bilan yaqindan tanishgach, viloyat prokurori hudud yoshlari bilan ochiq muloqot o'tkazdi.

Tadbirda 105 nafar yoshlar ishtirok etib, ularning 15 ta murojaati va takliflari tinglanib, 5 tasi joyida hal etildi, kolgan murojaatlar yuzasidan idora va tashkilotlarga tegishli vazifalar belgilab berilib, ijrosi nazoratga olindi.

Murojaatlar asosan tadbirkorlikni rivojlantirish maqsadida kredit olish, er ajratish, ish bilan ta'minlash masalalariga doir.

Bugun viloyat va tuman rahbarlari tomonidan tashkil etilgan sayyor qabulda Karmana tumanida yashovchi fuqarolarni o'ylantirayotgan muammolar sohalar kesimida o'rganildi.

 Jumladan, Markaziy bankning Navoiy viloyati bosh boshqarma boshlig`i va viloyat rahbarlari hamda tumandagi mutasaddilari ishtirokida tashkil etilgan sayyor qabul jarayonida fuqarolar, tijorat banklaridan ajratiladigan barcha turdagi kredit mablag`lari bilan bog`liq murojaatlariga javob olishdi.

 Shuningdek, Karmana tuman hokimi F.Umarov boshchiligida “Do'rman” MFY aholisi bilan o'tkazilgan sayyor qabulda namunali uy-joy olish, ichki yo'llarni ta'mirlash, tadbirkorlik uchun er ajratish, sog`lig`ini tiklashda amaliy yordam ko'rsatish va boshqa bir qator masalalar ko'rib chiqildi.

 Mazkur qabullar jarayonida huquqiy tushuntirish berish orqali aksariyat murojaatlarga shu yerning o'zida echim topilib, qo'shimcha o'rganish va muddat talab qiladigan murojaatlar yuzasidan esa tegishli mas'ullarga ko'rsatmalar berildi va ijrosi nazoratga olindi.

Sessiyada hududlardan saylangan O'zbekiston Respublikasi Oliy Majlisi Senati a'zolari, viloyat Kengashi deputatlari, Yoshlar parlamenti a'zolari, viloyat hokimligi xodimlari, huquqni muhofaza qiluvchi organlar rahbarlari, sektor rahbarlari hamda kun tartibidagi masalalarga aloqador korxona va tashkilot rahbarlari, siyosiy partiyalar hamda ommaviy axborot vositalari vakillari qatnashdi.

Kun tartibiga 12 ta masala qo'yilgan bo'lib, ilk masala viloyatda O'zbekiston Respublikasi Prezidentining “2017-2021- yillarda O'zbekiston Respublikasini rivojlantirishning beshta ustuvor yo'nalishi bo'yicha harakatlar strategiyasini “Yoshlarni qo'llab-quvvatlash va aholi salomatligini mustahkamlash yili”da amalga oshirishga oid Davlat dasturi ijrosini tashkil etishga bag`ishlandi.

“Qizil hudud”ga tushgan Konimex, Tomdi tumanlari va 31 ta og`ir ahvoldagi mahallalar bo'yicha alohida nazorat o'rnatib, u yerlardagi mahallaning yo'li, ichimlik suvi va elektr ta'minoti, ayniqsa tadbirkorlikni rivojlantirish orqali aholi bandligini ta'minlashga alohida e'tibor qaratish lozimligi ta'kidlandi.

Shuningdek, Navoiy shahar 3-umumiy o'rta ta'lim maktabi negizida Fizika faniga ixtisoslashtirilgan tayanch maktabini, 8 ta tuman (shahar)larida (Karmana tumanidagi 5-maktab, Nurota tumanidagi 1-maktab, Navoiy shahardagi 12-maktab, Zarafshon shahardagi 11-maktab, Navbahor tumanidagi 21-maktab, Xatirchi tumanidagi 24-maktab, Konimex tumanidagi 2-maktab, Tomdi tumanidagi 25-maktab)larda fizika fani chuqurlashtirib o'qitiladigan sinflar tashkil etilishini ta'minlash bo'yicha ham to'xtalib o'tildi.

Shuningdek, sessiya kun tartibidagi masalalar yuzasidan 2021- yilda ishga tushirilishi rejalashtirilgan hududiy loyihalar haqida ham to'xtalib o'tildi.

- hududiy loyihalar doirasida 74 ta loyihaga 137,1 mln. dollarlik Xalqaro moliya institutlarining mablag`lari yo'naltirilishi rejalashtirilgan. Ushbu mablag`lar asosan Xitoy, Koreya, Germaniya, Rossiya kabi davlatlarning tijorat tashkilotlari hamda Osiyo taraqqiyot banki mablag`lari hissasiga to'g`ri kelmoqda.

Shuningdek, ushbu mablag`laring 35,2 mln. dollari qishloq xo'jaligi sohasiga, 95,6 mln. dollari sanoat sohasiga hamda 6,3 mln. dollari xizmat ko'rsatish sohasiga yo'naltiriladi.

Barcha kun tartibi yuzasidagi masalalar bo'yicha mas'ullarning hisoboti eshitildi va takliflar berildi.

Navoiy viloyati fermer va qishloq xo'jaligi korxonalari hisobida jami 5,8 ming gektar, shu jumladan 1,8 ming gektar intensiv bog`lar va 4 ming gektar an'anaviy bog`lar mavjud.

Viloyatda 2021- yilda jami 3 135 gektar yangi o'zlashtiriladigan maydonlarda yangi bog`lar barpo etiladi.

Mazkur 3135 gektar er maydonida yangi bolar barpo etish istagini bildirgan 223 ta tashabbuskorlar ro'yxati shakllantirildi.

 

Jumladan, Karmana tumanida 380 gektar, Konimex tumanida 100 gektar, Qiziltepa tumanida 1150 gektar, Navbahor tumanida 330 gektar, Nurota tumanida 635 gektar va Xatirchi tumanida 540 gektar maydonda intensiv eksportbop ko'chatlar ekiladi.

Xatirchi tumanida ushbu amaliy ishlar boshlab yuborildi.

O'zbekiston Respublikasi Prezidentining 2020- yil 29- dekabr  kunidagi Oliy Majlisga navbatdagi Murojaatnomasida ham sud-huquq sohasida amalga oshirilgan ishlar va kelgusidagi vazifalarga alohida e'tibor qaratilib, 2021- yildan boshlab sudlarda “Bir sud – bir instantsiya” tamoyilining joriy etilishi va buning natijasida sud qarorlarining  adolatli, qonuniy va barqaror bo'lishini ta'minlanishi, sud huquq  sohasidagi ustuvor vazifalardan biri sifatida belgilab berildi.

Xo'sh mazkur tamoyilning mazmun-mohiyati nimadan iborat, u odil  sudlovni va shu asosda shaxsning huquq va erkinlarini ta'minlanishida   qanday rol o`ynaydi ?

Dastavval mazkur tamoyilni qonunchilikka joriy etish tashabbusi  Prezidentimiz tomonidan ilgari surilib, “Sudlar faoliyatini yanada takomillashtirish va odil sudlov samaradorligini oshirishga doir qo'shimcha chora-tadbirlar to'g`risida”gi PF-6034-sonli Prezident Farmonida sud organlarining amaldagi tuzilishini zamon talablari va xalqaro standartlarga muvofiq qayta ko'rib chiqishni ta'minlash maqsadida  sud tizimida 2021- yil 1- yanvardan boshlab viloyat va unga tenglashtirilgan fuqarolik ishlari bo'yicha, jinoyat ishlari bo'yicha sudlar va iqtisodiy sudlar negizida sudyalarning qat'iy ixtisoslashuvini saqlab qolgan va sud ishlarini yuritish turlari bo'yicha alohida sudlov hay'atlarini tashkil etgan holda Qoraqalpog`iston Respublikasi, viloyatlar va Toshkent shahar umumyurisdiktsiya sudlarini tashkil etish, sud ishlarini nazorat tartibida ko'rish institutini tugatish, O'zbekiston Respublikasi Oliy sudi raisi, Bosh prokurori va ular o'rinbosarlarining sudning hal qiluv qarorlari, hukmlari, ajrimlari hamda qarorlari ustidan nazorat tartibida protest kiritish huquqini bekor qilish, tumanlararo, tuman (shahar) sudlarining qarorlarini viloyat va unga tenglashtirilgan sudlar tomonidan, viloyat va unga tenglashtirilgan sudlarning birinchi instantsiya sudi sifatida chiqargan qarorlarini esa O'zbekiston Respublikasi Oliy sudining sudlov hay'atlari tomonidan apellyatsiya tartibida qayta ko'rib chiqish, apellyatsiya tartibida ko'rib chiqilgan sud qarorlarini O'zbekiston Respublikasi Oliy sudining sudlov hay'atlari tomonidan kassatsiya tartibida qayta ko'rib chiqish kabi odil sudlovning huquqiy va tashkiliy masalalarini amalga oshirishni bosh vazifa qilib belgilab berilgan edi.

Prezidentmizning qonunchilik tashabbusiga binoan kiritgan tavsiyalari asosida Sud qarorlarini qayta ko'rish instititutini takomillashtirilish munosabati bilan 2021- yilning 12- yanvar kunida qabul qilingan qonunlarga ko'ra, O'zbekiston Respublikasining Jinoyat protsessual kodeksiga, Fuqarolik protsessual kodeksiga, Iqtisodiy protsessual kodeksiga, Ma'muriy sud ishlarini yuritish to'g`risidagi kodeksiga tegishli o'zgartirishlar kiritilib, sudlarning protsessual faoliyatini tartibga soluvchi yuqoridagi kodekslarga “Bir sud – bir instantsiya” tamoyili qoidalari mustahkamlab qo'yildi.

Shuni alohida ta'kidlash kerakki, bugungi kunga qadar viloyat darajasidagi sudlar tomonidan chiqarilgan qarorlar ustidan shikoyatlar berilgan taqdirda, shu shikoyatlarni mazkur sudlarning o'zlari ko'rib chiqar edi, o'z o'zidan kelib chiqadiki, muyyan sud tomonidan hal qilingan masala aynan shu sud tomonidan qayta ko'rib chiqilishi odil sudlov talablariga mos kelmaydi, bu holat ishlarni sudlarda uzoq muddatlar davomida ko'rilishi, o'z yechimini topmasligi va natijada sud ishtirokchilarining noroziliklarini keltirib chiqarar edi. Endi esa mazkur tartib bekor qilinib, tumanlararo, tuman (shahar) sudlarining qarorlarini viloyat va unga tenglashtirilgan sudlar tomonidan, viloyat va unga tenglashtirilgan sudlarning birinchi instantsiya sudi sifatida chiqargan qarorlarini esa O'zbekiston Respublikasi Oliy sudining sudlov hay'atlari tomonidan apellyatsiya tartibida qayta ko'rib chiqish, apellyatsiya tartibida ko'rib chiqilgan sud qarorlarini O'zbekiston Respublikasi Oliy sudining sudlov hay'atlari tomonidan kassatsiya tartibida qayta ko'rib chiqish tratibi joriy etildi, sud tizimida bir-birini takrorlaydigan bosiqichlar qisqartirildi. Jumladan, odil sudlovga xos bo'lmagan ishlarni nazorat tartibida ko'rish amaliyotidan ham voz kechildi.

Sud tizimini o'rta bug`imida faoliyat ko'rsatuvchi fuqarolik jinoyat ishlari bo'yicha viloyat sudlari hamda viloyat iqtisodiy sudlari hamda ularga tenglashtirilgan sudlar birlashtirilib, ular negizida yagona umumyurisdiktsiya sudlari tashkil etilishi natijasida, avvalo sud idoralaridan adolat izlovchi shaxslarni ovoragarchiligi va sansalorliklarni oldini olishga xizmat qiladi, shuningdek sud idorlari o'rtasida ham turli muammoli vaziyatlar va tushunmovchiliklarga chek qo'yadi va yagona sud amaliyoti shakllanadi.

Mazkur tamoyilni odil sudlov faoliyatida tadbiq etilishi, fuqarolarning huquq va erkinliklarini so'zsiz ta'minlanishida, jamiyatimizda qonun ustuvorligi va ijtimoiy adolatning kafolatlanishida muhim ahamiyat kasb etadi.

Navoiy viloyat  iqtisodiy sudining raisi T.Abdramanov

OVOZ BERISH
Ishonch telefonlarining xizmatini baholang:
 
A'lo
Yaxshi
Qoniqarli
Yomon

Моё мнение

Korrupsiyaga qarshi kurash

Tugmani bosing Tinglash