Welcome to navstat   Click to listen highlighted text! Welcome to navstat Powered By GSpeech

2019-yil 23-sentabr – 5-oktabr kunlari Filippin Respublikasining Manila shahrida Osiyo taraqqiyot banki tomonidan Milliy hisoblar tizimi maxsus mavzulari bo‘yicha mintaqaviy seminar tashkil etildi.

Seminarda Qirg‘iziston, Qozog‘iston, Gruziya, Tojikiston va O‘zbekiston milliy statistika idoralari vakillari hamda Osiyo taraqqiyot bankining ekspertlari ishtirok etdi. 

Mintaqaviy seminarda Davlat statistika qo`mitasining Joriy hisoblar bo‘limi boshlig`i o‘rinbosari Ziyoda Kamilova, Joriy hisoblar bo‘limi bosh mutaxassisi Tatyana Kuksina va Namangan viloyati statistika boshqarmasi boshlig‘ining birinchi o‘rinbosari Bobirjon Xoliqov qatnashdi.

Seminarning asosiy maqsadi milliy hisoblar bo‘yicha mutaxassislarni resurslar va ishlatilish, xarajatlar va ishlab chiqarish jadvallarini shakllantirish va tahlil qilish bo‘yicha amaliy o‘qitishga qaratildi.

Shuningdek, seminarda Milliy hisoblar tizimining asosiy kapitalning jamg‘arilishi, asosiy kapital iste’moli, qishloq xo‘jaligining ishlab chiqarishi, sug‘urta xizmatlari va bilvosita o‘lchanadigan moliyaviy vositachilik xizmatlarini baholash kabi alohida mavzulari bo‘yicha ma’ruzalar va amaliy mashg‘ulotlar ham o‘tkazildi.

Axborot xizmati

Shu yilning 3–4-oktabr kunlari Davlat statistika qo‘mitasida BMTning Yevropa Iqtisodiy Komissiyasi tomonidan Shveytsariyaning Jeneva shahrida tashkil etilgan iqlim o‘zgarishi bilan bog‘liq statistik ma'lumotlarni ishlab chiqaruvchi va foydalanuvchilar uchun ekspertlar forumi bo‘yicha taqdimot o‘tkazildi.

Unda Qishloq xo‘jaligi va ekologiya statistikasi boshqarmasining Qishloq xo‘jaligi ishlab chiqaruvchilar faoliyatini statistik kuzatuvlari bo‘limi boshlig‘i o‘rinbosari A. Kadirov xizmat safari davomida iqlim o‘zgarishiga oid olgan ma'lumotlari, bilim, ko‘nikma hamda tajribalari bilan o‘rtoqlashdi.

Forumdan kelib chiqib mavjud statistik ko‘rsatkichlarni halqaro miqiyosdagi ko‘rsatkichlarga moslashtirib borish, shu sohada bevosita ish olib boruvchi tashkilotlar bilan faol hamkorlik qilishning lozimligi, xalqaro tashkilotlar tavsiyalariga tayangan holda iqlim o‘zgarishiga oid ko‘rsatkichlarni joriy etish zarurligi ta'kidlandi. Taqdimot davomida mavzuga oid boshqa ko‘plab yo‘nalishlar bo‘yicha qator masalalarga alohida to‘xtalib o‘tildi.

Axborot xizmati

2019-yil 30-sentyabrdan 4-oktyabrgacha Tbilisida shahrida Gruziyaning energetika siyosati va uning rivojlanish tendentsiyalariga bag'ishlangan uchrashuv bo'lib o'tdi.

Uchrashuv Xalqaro Energetika Agentligi tomonidan tashkil etildi. Unda Shveytsariya, Germaniya, Buyuk Britaniya, Avstriya, O'zbekiston va Ukrainaning statistika va energetika bo'yicha vakillari ishtirok etdilar.

Yig'ilishda milliy va xalqaro statistika tashkilotlarida energetika statistikasi sohasidagi ekspertlar ham qatnashdi.

Shuningdek, yig'ilishda O'zbekiston Respublikasi Davlat statistika qo'mitasidan sanoat statistikasi boshqarma boshlig'i S.Jo’raev ishtirok etdi.

Uchrashuvda uy xo'jaliklarida energiya iste'moli kuzatuvlarini tashkil qilish va o'tkazish, yoqilg'i-energetika balansini tayyorlash bo'yicha uslubiy tavsiyalar, energiya statistikasi sohasida axborot tarqatishda ayrim mamlakatlar tajribasi muhokama qilindi.

Axborot xizmati

2019-yil 3-oktabr kuni Davlat statistika qo‘mitasida “Kichik biznes subyektlarining tanlanma kuzatuvi uslubiyatini takomillashtirish bo‘yicha tavsiyalar” mavzusida seminar tashkil etildi. Unda qo‘mita markaziy apparati xodimlari ishtirok etdi.

Seminarda Kadrlar malakasini oshirish va statistik  tadqiqotlar instituti Makroiqtisodiy statistika va milliy hisoblar kafedrasi mudiri A. Siddiqov va  O’zbekiston Respublikasi  Iqtisodiyot va sanoat vazirligi huzuridagi “Prognozlashtirish va makroiqtisodiy  tadqiqotlar instituti” bosh  ilmiy xodimi S.V.Chepel mavzu yuzasidan fikr bildirdi.

Tadbirni o‘tkazishdan ko‘zlangan maqsad – statistik tadqiqotlarda kichik biznes subyektlarini tanlanma kuzatish  usulidan foydalanish samaradorligini yanada takomillashtirish hamda bu borada yuzaga kelayotgan muammolarni  atroflicha muhokama qilish.

Seminar davomida seminar ishtirokchilari  mavzu bo‘yicha nazariy ma’lumotlar va ularning amaliyotda qo‘llanilishi bo’yicha amalga oshirilgan tadqiqot ishi natijalari bo‘yicha xulosalar bilan tanishtirildi.

Shuningdek, o‘rganilayotgan to‘plam birliklaridan tanlab olingan tanlanma haqidagi ma’lumotlar qay darajada haqiqatga yaqinligi va kutilgan natijani berganligini tahlil qilish borasida fikr almashildi.

Axborot xizmati

Davlat statistika qo‘mitasida shu yilning 2019-yilning 23–26-sentabr kunlari Hindistonning Nyu-Deli shahrida BMTning aholi punktlari bo’yicha dasturi tomonidan tashkil etilgan “Barqaror Rivojlanish Maqsadlarini (BRM) global darajada monitoring qilishni qo‘llab-quvvatlashda shahar, shaharchalar, qishloq joylari ta'rifini qo‘llash imkoniyatini baholash” mavzusidagi seminar natijalariga bag‘ishlangan taqdimot o‘tkazildi.

Unda Davlat statistika qo‘mitasi Aholi, demografiya va mehnat statistikasi bo‘yicha yig‘ma tahliliy axborotlarni shakllantirish bo‘limi bosh mutaxassisi Jamshid Eshniyazov xizmat safari davomida olgan ma'lumotlari va tajribalari bilan o‘rtoqlashdi.

Jumladan, seminarda muhokama qilingan shahar va shaharchalarga qo’yiladigan talablar, va shahar, shaharchalardagi infratuzilmani baholashda GIS texnologiyalardan foydanalish imkoniyatlari, urbanizasiya darajasini aniqlashda infratuzilmaning o’rni hamda boshqa ko‘plab yo‘nalishlar bo‘yicha qator masalalarga alohida to‘xtalib o‘tildi. Seminar davomida yuqoridagi mavzular bo‘yicha olingan bilim va tajribalar yuzasidan fikr-mulohaza almashinib, qatnashchilarning qiziqtirgan savollarga atroflicha javob berildi.

Axborot xizmati

OVOZ BERISH
Ishonch telefonlarining xizmatini baholang:
 
A'lo
Yaxshi
Qoniqarli
Yomon

Моё мнение

Korrupsiyaga qarshi kurash

Tugmani bosing Tinglash