Welcome to navstat   Click to listen highlighted text! Welcome to navstat Powered By GSpeech

Davlat statistika qo`mitasi markaziy apparatida “Call centre” tashkil etilgan. Murojaat uchun telefon: (+998 71) 203-80-00

Joriy yilning 22-yanvar kuni O‘zbekiston Respublikasi Davlat statistika qo‘mitasida UNICEF vakili bilan uchrashuv o‘tkazildi.Unda xalqaro ekspert Charlz Bakston hamda Davlat statistika qo‘mitasi Axborotlarni tarqatish, xalqaro hamkorlik va axborot almashuv boshqarmasi boshlig'i Odiljon Mamadaliyev 2016–2020-yillarda UNICEF va O‘zbekiston Respublikasi hukumati o‘rtasidagi hamkorlik bo‘yicha mamlakat dasturini baholash xususida o‘zaro fikr-mulohaza almashdi.

 

Ushbu uchrashuvda UNICEF va Davlat statistika qo‘mitasi o‘rtasida Barqaror rivojlanish maqsadlari va ko‘p sonli klaster kuzatuvlari sohasida qo‘shma tadbirlarni amalga oshirish tajribasi tahlil qilindi. Shuningdek, yuqorida qayd etilgan tadbirlar bo‘yicha erishilgan natijalar ko‘rib chiqildi. 

Uchrashuv yakunida O‘zbekiston Respublikasi hukumati va UNICEF o‘rtasida o‘zaro hamkorlikda amalga oshrilayotgan dasturlar kelgusida soha mutaxassislarining bilim va ko‘nikmasini boyitishga xizmat qilishi ta’kidlandi.

Uchrashuv iliq va do‘stona ruhda o‘tdi.

Axborot xizmati

2019-yil 27-dekabr kuni O‘zbekiston Respublikasi Prezidenti Shavkat Mirziyoyev poytaxtimizdagi Muhammad al-Xorazmiy nomidagi maktabda yoshlar bilan uchrashuv o‘tkazgan edi. Mazkur uchrashuvda davlatimiz rahbari tomonidan 2020-yil yoshlarga oid davlat siyosatida amalga oshirilishi lozim bo‘lgan qator vazifalar belgilab berilgandi.

2020-yil 17-yanvar kuni Davlat statistika qo‘mitasida yoshlarga oid davlat siyosatida amalga oshirishda yosh kadrlarning o‘rni va salohiyatini yuksaltirish maqsadida uchrashuv tashkil etildi. Tadbirda Qo‘mita raisi Begalov Bahodir Abdusalomovich markaziy apparatda ishlayotgan yosh xodimlar bilan ochiq muloqot o‘tkazdi.

Uchrashuvda Bahodir Begalov yoshlarga oid davlat siyosatini amalga oshirishda yosh kadrlarning o‘rni va salohiyati xususida batafsil to‘xtalib o‘tdi. Shuningdek, yosh kadrlarning kasbiy ko‘nikmasini oshirish, yoshlar o‘rtasida huquqbuzarlik va jinoyatchilikning oldini olish, hayot va faoliyatda badiiy adabiyot, sport, ilmiy izlanish va tadqiqot ishlarining ahamiyati bo‘yicha hayotiy misollar keltirdi. Statistika sohasida innovatsion texnologiyalarni joriy etishda yoshlarning faol bo‘lishi alohida ta’kidlandi.

Tadbir davomida yoshlar o‘zlarini qiziqtirgan savol va takliflari bilan murojaat qilishdi. Qo‘mita raisi yoshlar oldiga bir qator vazifalarni qo‘ydi. Jumladan, ilmiy salohiyatni oshirish, yurtimizning  madaniy, tarixiy o‘tmishidan xabardor bo‘lish birga vatanparvar, tashabbuskor bo‘lishga chaqirdi.

Ochiq muloqot yakunida qo‘mita Raisi bunday uchrashuvlar muntazam ravishda davom etishini ta'kidladi. 

Axborot xizmati

Tadbirda uy xo'jaliklari daromadlarini o'rganish jarayonini takomillashtirish masalasi muhokama qilindi.

Ushbu uchrashuvda Jahon banki tomonidan Davlat statistika qo'mitasiga uy xo'jaliklarida kuzatuv o‘tkazish uchun planshetlar taqdim qilish bo‘yicha so‘z yuritildi. Tomonlar planshetlarni qo'llash orqali uy xo'jaliklari daromadlarini o‘rganish  jarayonini batafsil muhokama qildi.

Shuningdek, uchrashuvda mazkur planshetlarni taqdim etish bilan bog'liq masalalar kelishib olindi.

Davlat statistika qo'mitasiga foydalanish uchun Jahon banki tomonidan 140 ta planshet taqdim etilishi qayd etildi.  

Uchrashuv so'nggida Aholi turmush darajasi statistikasi va kuzatuvlari boshqarmasi boshlig'i Jahongir Yo‘ldoshyev Jahon bankining uy xo'jaliklari byudjetlarini o'rganish jarayonini yaxshilashda ko'mak berayotgan missiyasiga o'z minnatdorchiligini bildirdi.

Axborot xizmati

Ushbu o‘quv kursda 13 ta vazirlik va idoralarning xodimlari ishtirok etdi.

Mazkur o‘quv kursining asosiy maqsadi – ochiq ma’lumotlar, ularning ahamiyati va zarurligi, ulardan foydalanish afzalliklari, O‘zbekiston Respublikasining Ochiq ma’lumotlar portalida ma’lumotlar to‘plamlarini joylashtirish bo‘yicha ko‘nikmalarni hosil qilishga qaratilgan.

Prezidentimizning 2019-yil 9-apreldagi “Davlat boshqaruvining ochiqligi va shaffofligini taʼminlash hamda mamlakatning statistika salohiyatini oshirish yuzasidan qoʻshimcha chora-tadbirlar toʻgʻrisida”gi qarori ijrosini ta’minlash maqsadida, O‘zbekiston Respublikasi Davlat statistika qo‘mitasi, Yevropada Xavfsizlik va Hamkorlik Tashkilotining O‘zbekistondagi loyihalari koordinatori hamda Dasturiy mahsulotlar va axborot texnologiyalari texnoparki tomonidan muntazam ravishda vazirlik va idoralar xodimlari uchun “Ochiq ma’lumotlarga kirish” mavzusida malaka oshirish kurslari tashkil etib kelinmoqda.

Axborot xizmati

2020-yil 10-yanvar kuni "International Hotel Tashkent" mehmonxonasida "Open Data Challenge – 2019" hakatoni g'oliblarini taqdirlash marosimi bo'lib o'tdi.

"Open Data Challenge – 2019" hakatoni ochiq ma'lumotlar konsepsiyasini ilgari surish,    IT-tadbirkorlik va mamlakat iqtisodiyotini rivojlantirishga qaratilgan ochiq ma'lumotlar asosida ilovalarni ishlab chiqish bo'yicha tanlov hisoblanadi.

Tanlovning asosiy sharti – tadbir davomida ochiq ma'lumotlardan foydalangan holda raqamli yechim (dastur, xizmat, qurilma) yaratishga qaratilgan.

Eslatib o'tamiz, eng yaxshi loyihalar quyidagi 5 ta yo'nalish bo’yicha tanlab olingan:

  1. Davlat sektori uchun ochiq ma'lumotlar.
  2. Ijtimoiy sektor uchun ochiq ma'lumotlar.
  3. Biznes uchun ochiq ma'lumotlar.
  4. Ma'lumotlarni yaratish va o'zgartirish.
  5. Axborot jurnalistikasi.

Tadbir yakunida g‘oliblar tashkilotchilar tomonidan qimmatbaho esdalik sovg‘alari bilan taqdirlandi.

Axborot xizmati

OVOZ BERISH
Ishonch telefonlarining xizmatini baholang:
 
A'lo
Yaxshi
Qoniqarli
Yomon

Моё мнение

Korrupsiyaga qarshi kurash

Tugmani bosing Tinglash