Welcome to navstat   Click to listen highlighted text! Welcome to navstat Powered By GSpeech

Портал

 

     Yangiliklarimizga obuna    bo'ling


 

Yigʻilishda M.Ziyadullaev-Davlat statistika Qo'mitasi raisi o'rinbosari, J.Qambarov-Davlat statistika Qo'mitasi boshqarma boshligʻi oʻrinbosari, S.Begmatov-Davlat statistika Qoʻmitasi boʻlim boshligʻi, M.Ro'ziev-Viloyat statistika boshqarmasi boshligʻi, o'rinbosarlari, tarmoq va hududiy boʻlim boshliqlari  hamda masʼul xodimlari qatnashdi.

Yigʻilishda, Navoiy viloyati statistika boshqarmasi va uning hududiy bo'limlarida 2019- yil va 2020- yilning yanvar-noyabr oylarida statistika faoliyatini tashkil etish yuzasidan tizim oldiga belgilab berilgan vazifalarning ijrosi holati, Oʻzbekiston Respublikasi Vazirlar Mahkamasininig 2020- yil 11- noyabrdagi “Oʻzbekiston Respublikasida 2023- yilda aholini roʻyxatga olishga tayyorgarlik koʻrish va uni oʻtkazish chora-tadbirilari toʻgʻrisida”gi 710-sonli qarori boʻyicha olib borilayotgan ishlar, hisobot va ijro intizomini mustahkamlash borasida amalga oshirilayotgan tadbirlar samaradorligi muhokama etildi.

 

Yigʻilishda ta'kidlandiki, Navoiy viloyatida amaldagi qonunlar, O'zbekiston Respublikasi Prezidenti va Hukumatining hujjatlari hamda topshiriqlari ijrosi, tahliliy ishlarni takomillashtirish, statistik ma'lumotlarni taqdim etishning zamonaviy vositalaridan foydalanishni joriy etish, hisobot va ijro intizomini mustahkamlash, jismoniy va yuridik shaxslarning murojaatlari bilan ishlash, profilaktika ishlarini olib borish bo'yicha muayyan ishlar amalga oshirilgan.

Bundan tashari, boshqarmaning ba'zi tarmoq statistika bo'limlari hamda ayrim tuman va shahar statistika boʻlimlari tomonidan meʼyoriy-huquqiy hujjatlar bilan ishlash, ish yuritish, ijro nazoratini tashkil etish, ijro intizomini mustahkamlash, Davlat statistika ishlari dasturida belgilangan ishlarning yakuniy natijalarini shakllantirish, jismoniy va yuridik shaxslarning murojaatlari bilan ishlash,  Boshqarmaning rasmiy veb-sahifasi yuritilishi boʻyicha amalga oshirilishi lozim boʻlgan ishlar etarli darajada tashkil etilmagan.

Yigʻilishda Vazirlar Mahkamasining 2020- yil 11- noyabrdagi 710-sonli qaroriga asosan viloyatda 2023- yilda aholini ro'yxatga olishga tayyorgarlik ko'rish bo'yicha olib borilayotgan ishlarga to'xtalib o'tildi.

Vazirlar Mahkamasining 2019- yil 24- iyuldagi 625-sonli qarori ijrosi yuzasidan “2020-2021 yillarda O'zbekiston Respublikasida multiindikator klaster kuzatuvi”ni o'tkazish uchun tanlangan mahallalarning kartalarini belgilangan tartibda tegishli idoralar bilan hamkorlikda tayyorlash bo'yicha ko'rsatmalar berildi.

Shu bilan birga, hududlarni rivojlantirish dasturlari amalga oshirilishining borishini oʻz vaqtida va ishonchli statistik hisobi yuritilishini taʼminlash yuzasidan maʼlumotlarni chuqur va tizimli tahlil qilish boʻyicha hududiy boshqaruv organlari va mahalliy davlat hokimiyati organlari bilan yaqindan hamkorlik qilish, hududning rivojlanishini yanada toʻliq aks ettiruvchi kompleks statistik va tahliliy axborotlarni Internet tarmogʻi, ommaviy axborot vositalari va mahalliy telekanallar orqali keng yoritib borish ishlarini yanada faollashtirish boʻyicha tegishli vazifalar belgilandi.

 

 

Axborot xizmati

 

 

 

2020- yilning 18- noyabr kuni Navoiy viloyat statistika boshqarmasida O'zbekiston Respublikasi Vazirlar Mahkamasining 2020- yil 11- noyabrdagi “O'zbekiston Respublikasida 2023- yilda aholini ro'yxatga olishga tayyorgarlik ko’rish va uni o’tkazish chora-tadbirlari to’g’risida”gi 710- sonli qarorining mazmun-mohiyati hamda uning ijrosi bo’yicha amalga oshirilayotgan ishlar, shuningdek, bajarilishi lozim bo'lgan vazifalar to'g’risida viloyat statistika boshqarmasi xodimlari ishtirokida seminar tashkil etildi.

Seminar yig’ilishni Navoiy viloyat statistika boshqarmasi boshlig’i o'rinbosari U.Suyunov kirish so'zi bilan ochib, seminar qatnashchilariga O'zbekiston Respublikasi Vazirlar Mahkamasining 2020- yil 11- noyabrdagi “O'zbekiston Respublikasida 2023- yilda aholini ro'yxatga olishga tayyorgarlik ko’rish va uni o’tkazish chora-tadbirlari to’g’risida”gi 710- sonli qarorining mazmun-mohiyati to'g’risida to'xtalib o'tdi.

Jumladan, seminar qatnashchilariga O'zbekiston Respublikasida ro’yxarga olish 2023- yilning 1-25- noyabr kunlari, sinov tariqasida ro’yxarga olish tadbiri 2021- yilning 1-25- noyabr kunlari Andijon viloyatining Xo’jaobod tumani, Toshkent viloyatining Yuqori Chirchiq tumani, Xorazm viloyatining Xiva shahri hamda Toshkent shahrining Yashnobod tumanida amalga oshirilishi haqida aytib o'tdi.

Navoiy viloyat statistika boshqarmasi Ro'yxatga olish jarayonlarini tashkil etish va o'tkazish bo'limi boshlig’i M.Yuldasheva seminar qatnashchilariga o'z ma'ruzasida O'zbekiston Respublikasi Vazirlar Mahkamasining 2020- yil 11- noyabrdagi “O'zbekiston Respublikasida 2023- yilda aholini ro'yxatga olishga tayyorgarlik ko’rish va uni o’tkazish chora-tadbirlari to’g’risida”gi 710- sonli qarori bilan tasdiqlangan “O'zbekiston Respublikasida 2023- yilda aholini ro'yxatga olishga tayyorgarlik ko’rish va uni o’tkazish tartibi tog’risida Nizom”ning mazmun-mohiyati boyicha batafsil tushunchalar berdi.

Shuningdek, seminar qatnashchilari Aholini ro'yxatga olish varaqalari shakllari bilan tanishtirildi va ularni to'ldirish yo'riqnomasi bo'yicha amaliy tushuntirishlar berildi.

Seminar davomida qatnashchilarga aholini ro'yxatga olishni tashkil etish va o'tkazish jarayonlari bilan bog’liq bo'lgan savollariga atroflicha javoblar berildi.

 

Axborot xizmati

 

2020- yilning 13- noyabr kuni Davlat statistika qoʻmitasining ish rejasiga asosan 9-13- noyabr kunlari Navoiy viloyati statistika boshqarmasi, tuman va shahar statistika                   boʻlimlarning statistika faoliyatini tashkil etish masalalarida oʻtkazilgan kompleks                      oʻrganish natijalari toʻgʻrisida yigʻilishi boʻlib oʻtdi.  

Yigʻilishda Davlat statistika qoʻmitasi boshqarma boshligʻi oʻrinbosari T. Maxamatov, Davlat statistika qoʻmitasi boʻlim boshligʻi S. Begmatov, Davlat statistika qoʻmitasi bosh mutaxassisi D. Xamdamov, Navoiy viloyati statistika boshqarmasi boshligʻi, boshliq oʻrinbosarlari, boshqarmasining tarmoq statistika boʻlimlari va tuman, shahar statistika boʻlim boshliqlari ishtirok etdi.

Navoiy viloyati statistika organlarida 2019- yil va 2020- yilning yanvar-noyabr oylarida statistika faoliyatini tashkil etish yuzasidan tizim oldiga belgilab berilgan vazifalarning ijrosi holati, hisobot va ijro intizomini mustahkamlash borasida amalga oshirilayotgan tadbirlar samaradorligi muhokama etildi.

Ta’kidlandiki, Navoiy viloyatida amaldagi Qonunlar, Oʻzbekiston Respublikasi Prezidenti va Hukumatining hujjatlari hamda topshiriqlari ijrosi, tahliliy ishlarni takomillashtirish, statistik ma’lumotlarni taqdim etishning zamonaviy vositalaridan foydalanishni joriy etish, hisobot va ijro intizomini mustahkamlash, jismoniy va yuridik shaxslarning murojaatlari bilan ishlash, profilaktika ishlarini olib borish boʻyicha muayyan ishlar amalga oshirilgan.

SHuningdek, boshqarma tomonidan bajarilgan ishlar bilan bir qatorda ayrim tuman va shahar statistika boʻlimlari tomonidan hujjatlar ijrosida xato va kamchiliklarga yoʻl qoʻyilgan.

Yigʻilishda qayd etildiki, kompleks oʻrganish natijasida aniqlangan kamchiliklar boʻyicha mas’ullarga tavsiyalar berilib, joyida bartaraf etilgan hamda yoʻl xaritasi ishlab chiqilib, ma’lum bir muddatda bartaraf etiladigan kamchiliklar boʻyicha mas’ullarga aniq muddatlar belgilandi.

Tizim organlarida Qonunchilikni ta’minlash boʻyicha belgilangan vazifalar ijrosi yuzasidan yoʻl qoʻyilgan kamchiliklar hamda ularning kelib chiqish sabablari atroflicha va tanqidiy muhokama etilib, viloyat statistika boshqarmasi, tuman va shahar statistika boʻlimlari rahbarlari va mas’ul xodimlarining hisobotlari eshitildi hamda oʻz lavozim vazifalariga nisbatan mas’uliyatsizlikka yoʻl qoʻygan rahbarlar va xodimlarning shaxsiy javobgarligi belgilandi.

Shuningdek, viloyat statistika organlarida Oʻzbekiston Respublikasi Prezidenti va Hukumatining hujjatlari hamda topshiriqlarida davlat statistikasini tubdan takomillashtirish yuzasidan belgilab berilgan vazifalarni soʻzsiz ijrosini ta’minlash, davlat statistika hisoboti ma’lumotlarining ishonchliligini ta’minlash, hisobot, ijro va mehnat intizomini mustahkamlash, jismoniy va yuridik shaxslarning murojaatlari bilan ishlash, davlat statistikasi sohasida huquqbuzarliklarning oldini olishga qaratilgan ogohlantiruvchi va profilaktika xususiyatiga ega choralarni tizimli amalga oshirish yuzasidan mas’ul rahbarlarga aniq vazifa va topshiriqlar belgilab berildi.

Statistika organlarida Oʻzbekiston Respublikasi Prezidenti va Hukumatining hujjatlari hamda topshiriqlarida davlat statistikasini shu bilan birga, boshqarma tomonidan tasdiqlangan aniq chora-tadbirlar rejasining puxta ijrosini ta’minlash, jumladan hududlarni rivojlantirish dasturlarini amalga oshirilib borishini oʻz vaqtida va ishonchli statistik hisobi yuritilishini ta’minlash yuzasidan ma’lumotlarni chuqur va tizimli tahlil qilish boʻyicha hududiy boshqaruv organlari va mahalliy davlat hokimiyati organlari bilan yaqindan hamkorlik qilish, hududning rivojlanishini yanada toʻliq aks ettiruvchi kompleks statistik va tahliliy axborotlarni Internet tarmogʻi, ommaviy axborot vositalari va mahalliy telekanallar orqali keng yoritib borish ishlarini yanada faollashtirish boʻyicha tegishli vazifalar belgilandi.

Statistika organlari tomonidan statistika faoliyatini qat’iy ravishda amaldagi qonunchilik hujjatlari talablari asosida tashkil etish, boshqarma, tuman va shahar statistika boʻlimlari faoliyati samaradorligini yanada oshirish bilan bogʻliq tegishli masalalar ham muhokama etilib, bu borada amalga oshirilishi lozim boʻlgan vazifalar belgilab berildi.

Oʻrganish jarayonida aniqlangan xato va kamchiliklari bor hamda oʻzlariga yuklatilgan vazifalarni yetarli darajada bajarmagan xodimlarga intizomiy jazo choralari qoʻllanildi.

Yigʻilish yakunida xodimlarga keyingi ish faoliyatida bajariladigan ishlar, hujjatlar ijrosida xato va kamchiliklarga yoʻl qoʻymaslik boʻyicha tushunchalar berildi.

 

O‘zbekiston Respublikasi Prezidentining 2019- yil 5- fevral sanasida “O‘zbekiston Respublikasida 2022- yilda aholini ro‘yxatga olishni o‘tkazish konseptsiyasini tasdiqlash to‘g‘risida”gi PF 5655-sonli farmoni ijrosini ta’minlash maqsadida, 2020- yilning 10- noyabr kuni Navoiy viloyat statistika boshqarmasi Roʻyxatga olish jarayonlarini tashkil etish va oʻtkazish boʻlimi tomonidan Karmana tumanida “Talqoq” MFY da aholini ro‘yxatga olishga tayyorgarlik ko‘rish va uni o‘tkazish bo‘yicha davra suhbati tashkil etildi.

 

Ushbu mavzu doirasida qatnashchilarni sohadagi normativ-huquqiy hujjatlar, aholini roʻyxatga olish tartibi, roʻyxatga olish bosqichlari bilan tanishtirildi. Qatnashchilar tomonidan o‘zlari uchun qiziqarli va muhim hisoblangan savollariga tegishli javoblar olishdi. Joylarda shu kabi uchrashuvlarni o‘tkazish davom etmoqda.

 Axborot xizmati

 

 

O‘zbekiston Respublikasi Prezidentining 2019- yil 5- fevral sanasida “O‘zbekiston Respublikasida 2022- yilda aholini ro‘yxatga olishni o‘tkazish konseptsiyasini tasdiqlash to‘g‘risida”gi PF 5655-sonli farmoni ijrosini ta’minlash maqsadida, 2020- yilning 06- noyabr kuni Navoiy viloyat statistika boshqarmasi Roʻyxatga olish jarayonlarini tashkil etish va oʻtkazish boʻlimi tomonidan Karmana tumanida 12-umumta’lim maktabida aholini ro‘yxatga olishga tayyorgarlik ko‘rish va uni o‘tkazish bo‘yicha davra suhbati tashkil etildi.

 

 

 

Ushbu mavzu doirasida qatnashchilarni sohadagi normativ-huquqiy hujjatlar, aholini roʻyxatga olish tartibi, roʻyxatga olish bosqichlari bilan tanishtirildi. O’qituvchilar mutaxassislar tomonidan o‘zlari uchun qiziqarli va muhim hisoblangan savollariga tegishli javoblar olishdi. Joylarda shu kabi uchrashuvlarni o‘tkazish davom etmoqda.

  

Axborot xizmati

 

 

 

 

OVOZ BERISH
Ishonch telefonlarining xizmatini baholang:
 
A'lo
Yaxshi
Qoniqarli
Yomon

Моё мнение

Korrupsiyaga qarshi kurash

Tugmani bosing Tinglash