Welcome to navstat   Click to listen highlighted text! Welcome to navstat Powered By GSpeech

Xatirchi tumanida aholini ro‘yxatga olish bo‘yicha uchrashuvlar bo‘lib o‘tmoqda. Ushbu mavzu doirasida fuqarolar bilan tushuntirish ishlari o‘tkazilib borilmoqda.

 

 Uchrashuv 2019-yil 5-fevral sanasida O‘zbekiston Respublikasi Prezidentining “O‘zbekiston Respublikasida 2022-yilda aholini ro‘yxatga olishni o‘tkazish konsepsiyasini tasdiqlash to‘g‘risida”gi PF-5655-sonli farmoni yuzasidan tashkil etilayapti.

 Navoiy viloyat statistika boshqarmasi tomonidan joylarda shu kabi uchrashuvlarni o‘tkazish davom etmoqda. Fuqarolar mutaxassislar tomonidan o‘zlari uchun muhim hisoblangan ma’lumotlardan boxabar bo‘lib borishmoqda.

 

Axborot xizmati

2019 yilning 10 dekabr kuni “Siz tadbirkor uchun nima qildingiz?” aktsiyasi doirasida Navoiy viloyati hokimligi majlislar zalida O'zbekiston Respublikasi Davlat statistika qo'mitasi hamda viloyat hokimligi hamkorligida “Statistik axborotlarning dolzarbligi va ahamiyati, xo'jalik sub'ektlari tomonidan taqdim etilayotgan davlat statistika hisobotlari va ma'lumotlarining holati, hisobotlarni to'g’ri to'ldirish va haqqoniy taqdim etish” mavzusida o'quv-amaliy seminar yig’ilishi bo'lib o'tdi.

Seminarda viloyat hamda tuman va shahar hokimlarining tegishli o'rinbosarlari, viloyat statistika boshqarmasi hamda tuman va shahar statistika bo'limlari boshliqlari, shuningdek fermer xo'jaliklari va tadbirkorlik sub'ektlari, xorijiy investitsiya va kredit ishtirokidagi tadbirkorlik sub'ektlari rahbarlari hamda masalaga aloqador boshqa tashkilot va idoralar mas'ul xodimlari ishtirok etishdi.

Mazkur seminarda, Davlat statistika qo'mitasi vakillari tomonidan qishloq xo'jaligi, kichik biznes va xususiy tadbirkorlik, investitsiya sohalariga oid statistik ko'rsatkichlarning mohiyati bo'yicha batafsil tushunchalar, davlat statistika hisobotlarining sifatli va to'liq taqdim etilishi yuzasidan uslubiy tavsiyalar va ko'rsatmalar berildi.

Seminar davomida ishtirokchilar tomonidan amaliy takliflar bildirildi hamda ishtirokchilarning taklif va mulohazalari tinglandi. Ular tomonidan berilgan savollarga batafsil javob berildi.

Axborot xizmati

Joriy yilning 6 dekabr kuni Navoiy viloyat statistika boshqarmada Davlat statistika qo'mitasi raisining o'rinbosari Ziyadullaev Maxmudjon Djurakulovich raisligida milliy statistika tizimini takomillashtirish yuzasidan O'zbekiston Respublikasi Prezidenti va Hukumatining hujjatlari va topshiriqlarida belgilab berilgan vazifalar ijrosi bo'yicha davlat statistika organlarida 2019 yilning 9 oyligida amalga oshirilgan ishlar va kelgusidagi ustuvor vazifalar hamda joriy yilning 2-5 dekabr kunlari Navoiy viloyati statistika boshqarmasi, tuman va shahar statistika bo'limlarida statistika faoliyatini tashkil etish masalalarini kompleks o'rganish natijalariga bag’ishlangan kengaytirilgan Kengash yig’ilishi bo'lib o'tdi.

 

 

Kengash yig`ilishi yakunida ijro intizomi va tashkiliy masalalar ko`rib chiqilib, natijalari bo`yicha tegishli qarorlar qabul qilindi.

Axborot xizmati

Viloyatimizning har bir tuman (shaxar)larida O'zbekiston Respublikasi Prezidentining 2019 yil 5 fevraldagi PF-5655-son Farmonini mazmun mohiyatini yoritish bo'yicha o'tkazilayotgan targ’ibot va tashviqot ishlarida aholini ro'yxatga olish tartibi, tarixi, normativ-xuquqiy xujjatlar, aholini ro'yxatga olish bosqichlari, aholini ro'yxatga olishdan keyin kutilayotgan natijalar bo'yicha tushuntirishlar borilmoqda.

Mazkur seminarlar viloyat statistika boshqarmasi hamda tuman va shahar statistika bo’limlari tominidan o’tkazilmoqda.

Tashkil etilgan seminarlarda ko'tarilgan masalalar yuzasidan ishtirokchilarning taklif va mulohazalari tinglanib, tegishli korxona va tashkilotlar vakillariga kerakli tavsiyalar berilib borilmoqda.

Axborot xizmati

2019 yil 6 dekabr kuni Navoiy viloyat statistika boshqarmasi xodimlari o'rtasida o'tkazilgan “Ma'naviyat soati” darsi 8 dekabr - O'zbekiston Respublikasi Konstitutsiyasi qabul qilinganligining 27 yilligi va 2019 yil 22 dekabr O'zbekiston Respublikasi Oliy Majlisi qonunchilik palatasi, Xalq deputatlari viloyat kengashlari, Xalq deputatlari tuman (shahar) kengashlari deputatlariga saylov o'tkazilishi munosabati bilan “Bosh Qomusimiz jamiyat taraqqiyotining muhim asosi” va “Men saylovga qatnashaman” mavzulariga bag’ishlandi.

Ma'naviyat soatiga ma'ruza qilish uchun Navoiy shahar Adliya bo'limi katta maslahatchisi S.Qayumov taklif etildi.

U o'zining ma'ruzasida O'zbekiston Respublikasi Konstitutsiyasi qabul qilinganligining 27 yilliggi munosabati bilan barchani muborakbod etgan holda, Konstitutsiyaning moddalari bo'yicha batafsil ma'lumot berdi.

Shuningdek, Konstitutsiyadagi inson huquqlariga to'xtalib o'tgan holda, fuqarolarning siyosiy quhuqlari, shu jumladan “saylash” va “saylanish”huquqlari to'g’risida batafsil ma'lumot berdi.

Ma'ruza so'ngida xodimlarni qiziqtirgan savollariga ma'ruzachi tomonidan atroflicha javob berildi.

Navoiy viloyat statistika boshqarmasi

Axborot xizmati

OVOZ BERISH
Ishonch telefonlarining xizmatini baholang:
 
A'lo
Yaxshi
Qoniqarli
Yomon

Моё мнение

Korrupsiyaga qarshi kurash

Tugmani bosing Tinglash