navstat

 

 

Biz Ijtimoiy tarmoqlarda

 

Document

 

 

 

Foydali ma'lumotlar

 

Bank.uz - O'zbekiston banklari haqida hamma narsa.

    

So'rovlar

Saytimizga baho bering ?




Sayt statistikasi

  • Sayt ko'rildi: 1057757
  • Foydalanuvchilar: 3

Obuna bo'lish

Elektron pochta manzilini kiriting !

 

 

YUKLAB OLISH

Document

Prezident pul mablag‘larini O‘zbekistonda saqlashga chaqirdi

 

Pul mablag‘larini O‘zbekiston banklarida saqlayotganlarning hisob raqamlari tekshirilmaydi. Bu haqda O‘zbekiston Prezidenti Shavkat Mirziyoyev 5 yanvar kuni xalq deputatlari Toshkent viloyati Kengashining navbatdan tashqari sessiyasida ma’lum qildi.

Prezident tadbirkorlarni chet el banklaridagi pul mablag‘larini O‘zbekiston banklariga ko‘chirishga chaqirdi.

«Nima uchun buni baralla aytayapman, hamma eshitsin: O‘zbekistonda [banklarda saqlash uchun] pulini qo‘ygan birorta odamni tekshirtirmayman. Olib kelinglar pullaringni, [banklarga] qo‘yinglar, korxonalar quringlar, klaster qilinglar, zavodlar ochinglar, necha million dollar qilsalaringiz ham. U zamonlar tugadi, bo‘lgan ish bo‘ldi endi», — dedi davlat rahbari (nutq «O‘zbekiston 24» telekanalining «Axborot 24» dasturi orqali namoyish etildi).

Shavkat Mirziyoyev meva-sabzavot mahsulotlari Toshkent viloyatiga paxtadan ko‘ra ko‘proq daromad keltirishini ham ta’kidlab o‘tdi.

«Paxta bor-yo‘g‘i 1 mlrd 200 mln dollar pul olib kelar ekan. Shu ham iqtisod uchun pulmi, agar kattaroq o‘ylasak? Bu pul emas O‘zbekiston uchun. Biz beshta tumanning meva-sabzavotini bugun qurgan logistika markazimizda uch oygina saqlasak, Toshkent viloyatining o‘zi 500 mln dollarlik meva-sabzavot eksport qila oladi. Menda bunga 100 foizlik hisob-kitobim bor. Kelamiz shu kunlarga. Ishlashimiz kerak, ishlashimiz kerak», — dedi Prezident.

«Bu 500 mln dollar pul avvalgiga o‘xshab Markaziy bankka kelmaydi. Qayerga keladi? Tadbirkorning cho‘ntagiga keladi», — deya ishonch bildirdi davlat rahbari.

 

gazeta.uz
Bukvus
Jo‘natish uchun belgilangan matn:
Siz "Jo‘natish" tugmasi orqali xatolik haqidagi ma‘lumotni jo‘natishingiz yoki xato haqida qo‘shimcha izoh kiritishingiz mumkin.